اهلي واحبابي

أنا من تركت اهلي واحبابي وداري

على منهو أكفّ دمعاتي وأداري

يا عالم بحال كل خلقك وداري

الدنيا يا صويحبي طالبه منك صبر

وانت الذي خليت طعم الحلاوة صبر

دايم تروح عني واقولك انا صبر

ضمني بعينك غلا وخلها اهي داري

جرح المحبه

جرح المحبه صعب تنساه او يندمل

وشي غريب بالهوا دايم نخاف ونمل

خلوا الربيع يكون الصبر وهو الامل

حتى وان طاحت الاوراق في فصل الخريف

هذا الهوى ما نظلمه ونقول عنه تخريف

قلوبنا مثل الزهر ليما انتخا الريف

لا يكون الهوى مصلحه وتمشي وجنّك نمل

الدنيا تتغير

   ايام اول   كانوا يقولون للبنت تعالي خل نتجهز  عشان اليوم عرس بنت الجيران ... والمسكينه تتجهز  وما تدري ان  بالليل عرسها مو عرس بنت الجيران ... الحين البنت تقول يبه يمه انا ابي هذا هههههههههههه  عجبي   !
 زمان كانت حفلة العرس بسيطه والمهر ابسط والعيشه ابسط وابسط  والحين  حدث ولا حرج  .. ويايتكم  بالحجي  بس يمدحون الصبر
 عقب تطور الشي اشوي اشوي   .. والحفلات كانت بالبيوت  .. الين صارت بالفنادق   واللي يقدمون بويات رجال  والحريم كاشفات  عادي على ابو  عرس  وعادي وهذا مو ريال   مجرد  جرسون ... عقب صار العرس  كشخه  لان غيروا البويات الى حريم يقدمون  الكولا والبيبسي والكراش ..    صار التقديم بعدين عصير بأنواعه وصينيه رايحه وصينيه   يايه ....  واشوي اشوي اشوي  صار التقديم  عقب العصير   حلويات كاكاو  وعقبها قهيوه وكل هذا قبل العشا .. صارت بعدين الكاكاوات اشكال والوان ..  ودش الشاي بالموضوع  .. عقب دش الشاي الاخضر والاصفر والاحمر  .. دشت المعجنات بالموضوع  والا بعدين  تزعل   هههههه .. والشي العجيب بالموضوع ان اللي تقدم هذه الحلويات والقهاوي والشايات   لبسهم نفس لون الصواني ونفس لون الكلينكس ونفس قعدة العرس والوانه.. حتى الملقط والزباله الله يعزكم من فضه  عشان يشيلون الكلينكس الطايح او قرطاس الكاكاوه   وااااااااااااااي اشدعوااا كل  هالتكلف  .. ترا للحين ما وصلت الى قيمة الحفله وقيمة لبس العروس وقيمة لبس امها وخواتها وووووو ..  اكمل لكم بعدين انشاءالله

تصحيح

 دايما نردد هذا البيت : اذا لم تكن لي والزمان شرم برم .. فلا خير فيك والزمان ترللّي
الصحيح هو :
 اذا لم تكن لي والزمان شرّ مبرم  ... فلا خير فيك والزمان تراءلي   .

 حسافه والله عليج يا كويتنا ... نار الفتنه بالداخل كوتنا ... سنه وشيعه وغيرهم كوّتنا ... شقول بعد يا صاحبي وشزيد ... هذا يسب

معاويه وذاك يسبّ يزيد ..طفوا النار يالربع علها ما تزيد ... ربي يحرسج لنا دووم يا كويتنا  .

  مراحب ..  هذا اول يوم  لي معاكم  واول مره اكتب هني واول مره طبعا يصير عندي مدونه  وجزاه الله خير اللي علمني عليها  ...  عموما انا  انشاءالله  رح اكتب وبكتب  وبكتب وبكتب وبشوف وين رح توصلني الكتابه  . عاد يااا اظل اكتب   او اظل اكتب   :)